A’oa’oga ma Galuega mo ituaiga eseese i Inala ma tua atu

Galuega i tua atu o Inala

Ua fa’amaonia e lenei ofisa le mana’omia tele o se fesoasoani e le totogiina mo mataupu fa’ale-tulafono, e le gata i Inala ae fa’apea fo’i le itu i sauté ma le itu i sisifo o Brisbane, ae maise ai le va o Inala ma Ipswich. O tagata o lo’o nofomau i lea vaega o Brisbane e faigata ona maua ni auala e malaga atu ai i Inala. Talu ai le naunau ina ia mafai ona maua lea avanoa, ua faia ai ni galuega a lenei ofisa i Booval ma Goodna mo le fa’ataunu’uina o lenei fa’amoemoe.

Booval ma Goodna:

O lea i ai se sui loia mai le ofisa i Inala e malaga atu i le ofisa o le Booval Community Service, i aso Lulu o vaiaso ta’itasi mai le itula e 9.30 i le taeao seia o’o atu i le itula e 12 i le aoauli. O lea i ai fo’i se sui loia i le ofisa o le Goodna Neighbourhood Centre i aso Faraile ta’itasi mai le itula e 9.30 i le taeaso seia o’o atu i le itula e 12 i le aoauli. E tatau on fa’atonuina se taimi e talafeagai e te va’aia ai se sui loia. Fa’amolemole silasila i le itulau o lo’o tusia ai le tuatusi ma le numera o le telefoni e fa’afeso’ota’i ai le ofisa mo se fa’atonuga o se taimi talafeagai.

A’oa’oga Fa’ale-tulafono mo ituaiga eseese

Ua ofoina atu e lenei ofisa ni galuega mo fa’alapotopotoga o ituaiga eseese i le itu i Saute ma le itu i Sisifo o Brisbane fa’apea fo’i ma le itu o Ipswich ina ia fa’ateleina le malamalama o le lautele i mataupu fa’ale-tulafono. O sui loia mai lenei ofisa sa auai ai i se taimi ua tuana’i i ni fonotaga a fa’alapotopotoga eseese ma sa talanoaina ai mataupu ua taua i lalo:

• Mavaeaga
• Paoa o Loia
• Mataupu tau soifua maloloina
• Tatalaina o le Fa’aipoipoga
• Pa puipui
• Mataupu tau Galuega

Afai o e i ai i se fa’alapotopotoga o lo’o fia maua ni fa’amatalaga ma ni fa’amalamalamaga, pe mana’omia fo’i se sui loia e auai ai i se fonotaga, fa’amolemole fa’afeso’ota’i mai lenei ofisa.