Galuega

Fautuaga fa’ale-tulafono:

E mafai ona fa’atonuina se fa’amatalaupu pea talosagaina. E fa’alagolago lenei talosaga i le taimi avanoa o le fa’amatalaupu.

E ofoina atu e le Ofisa mo mataupu fa’ale-tulafono mo ituaiga eseese i le itu i Sasa’e ma le itu i Sisifo o Brisbane se fesoasoani ma ni fautuaga i mataupu fa’ale-tulafono ma e a’afia ai mataupu ua taua i lalo:

• Taulafono fa’aleaiga
• A’afiaga Mitimiti Fa’asavili
• Fa’alavelave fa’afuase’i e a’afia ai ta’avale (e le a’afia ai lava se isi mataupu vagana ai le tulaga lavea o le ta’avale)
• Mavaega ma Paoa Fa’aloia Fa’aauau
• Fautuaga mo tagata faigaluega e uiga i mataupu tau galuega

E muamua ona ofoina atu i tagata e lenei ofisa ni fautuaga i ni mataupu o agava’a i ai tagata faigaluega o le ofisa. Peita’i ane, o le a fautuaina se tasi pea fa’apea o i ai se ofisa fa’apitoa mo mataupu fa’ale-tulafono mo ituaiga esese, po’o se isi fo’i ofisa i totonu o Brisbane e fa’apitoa mo nei mataupu, po’o le vaega fa’apitoa o le ofisa ua taua o le Legal Aid Queensland (le tasi ofisa e maua ai le fesoasoani i mataupu fa’ale-tulafono) O se fa’ata’ita’iga o nei mataupu e a’afia ai fale mautotogi, femalagaina, lau aia tatau a’o e aumau ai i lenei atunu’u, po’o se taui tau solitulafono.

E le mafai ona avatua se fautuaga e lenei ofisa i mataupu ua taua i lalo:

• Mataupu e uiga i se soli tulafono
• Mataupu fa’apisinisi e a’afia ai lafoga, fa’atauina o fale, po’o nisi lava tulaga e a’afia ai mataupu fa’apisinisi. Afai e te fia maua ni fautuaga i nei tulaga o lea tu’uina atu oe i se ofisa fa’apitoa mo lea mataupu –
• Mataupu e uiga i sui loia e a’afia ai
• Aitalafu po’o pili e totogi
• Iloiloina o se manatu ua uma ona tu’uina atu
• Faitioga

A i ai ni mataupu e fa’atatau i sui loia e tatau ona fa’afeso’ota’i le ofisa ua taua o le Queensland Legal Services Commission.

• Mataupu e uiga i se manu’a ua e a’afia ai
• O nisi mataupu e i ai le aia tatau a le ofisa fa’atonu po’o le vaega pule. Fa’amolemole, fa’afeso’ota’i le ofisa pe mafai ona maua atu se fesoasoani.

O sui loia o lenei ofisa e mafai ona fesoasoani atu i le saunia o fa’amaumauga pei o Mavaega (Wills) ma Paoa o Loia (Power of Attorney). E mafai fo’i ona latou fesoasoani atu i tusi talosaga mo le tatalaina o se fa’aipoipoga, fa’atonuga ua i ai lou maliega, ma nisi lava mataupu ae fa’alagolago lava i tulaga ta’ito’atasi. E iai le totogi o nei fa’amaumauga. Fa’amolemole silasila i le itulau o Fa’amaumauga ma le totogi mo nisi fa’amatalaga.